Vegard Rye trenar for å klatre og køyre ski ned 27 fjell i éin samanhengande topptur. Turen kan samanliknast med å springe fire maraton, samstundes som ein klatrar Mount Everest frå havnivå – tre gonger. For å kunne gjennomføre denne umenneskelege prestasjonen isolerer Vegard seg frå venner og familie, bur i ei hole, og dedikerer heile tilværet sitt til trening. I årevis løfter han tunge lass opp det same fjellet fleire gonger om dagen. Vegard har ingen planer om å fortelje ei sjel om bragda, men Nikolai ynskjer å dele vennen si historie med verda, og selje den til sponsorane sine som «The Greatest Ski Tour Of All Time». Nikolai prøver på same tid å tileigne seg kameraten sine treningsmetodar, for å løfte si eiga skikøyring til nye høgder. Men Nikolai innser heller raskt at det er lettare å fortelje ei historie enn å leve gjennom den. Samstundes heng det store spørsmålet over han: Kvifor mista han sin beste ven og fjellpartnar for så mange år sidan?